News

Home 5 2020 News 5 SUNOG SUMIKLAB SA BALAYAN DISTILLERY INC.
SUNOG SUMIKLAB SA BALAYAN DISTILLERY INC.

Sumiklab ang sunog sa Balayan Distillery Inc. (BDI) sa Brgy. Talisay, Calaca, Batangas noong ganap na ika-5 ng hapon, Hulyo 4, 2020.

Agad na rumesponde ang mga kawani ng Calaca Fire Station at Municipal Disaster Risk Reduction Management Office upang maapula ang apoy. Nagtungo rin kaagad si Mayor Nas Ona sa lugar upang makita ang sitwasyon.

Katuwang ng mga nabanggit na tanggapan ang SLTEC Responders, SPI Responders, Taal Fire Station, San Luis Fire Station at MDRRMO San Luis, Tuy Fire Station, Balayan Fire Station, Lemery Fire Station at MDRRMO Lemery, Lian Fire Station, Lipa City Fire Station, Batangas City Fire Station, Tanauan City Fire Station, at Regasco SOS sa pamamagitan ng suporta ni Congressman Arnel Ty. 

Nagpadala rin ang Progreen Agricorp Inc. at Calaca Seaport (PHOENIX) ng karagdagang responders at Aqueous Film Forming Foam (AFFF) upang mas mapadali ang pag-apula ng sunog.

Kasabay nito ay inilikas ang mga residente ng naturang barangay sa Pedro Paterno Elementary School at Pedro Paterno National High School. Umalalay ang Calaca Municipal Police Station para masiguro ang kaligtasan ng lahat. 

Samantala, pinagsaluhan naman ng mga inilikas at mga tumulong sa pag-apula ng sunog ang suportang ipinadala ng Jollibee Balayan at Calaca na siyang lubos na ipinagpasalamat ng Pamahalaang Lokal ng Calaca.

Matapos ang halos siyam na oras ay matagumpay na naapula ang sunog sa ganap 1:50 ng umaga, Hulyo 5, 2020. 

Nakipagtulungan si Hepe Jonathan Malundas, pinuno ng BFP Calaca sa BDI upang masuri ang pinagmulan ng sunog at maiwasan na itong mangyaring muli. 

Upcoming Events

Tags:
Share Article

More News

PAMAMAHAGI NG PAMASKONG HANDOG SA BAWAT PAMILYANG CALAQUEÑO

PAMAMAHAGI NG PAMASKONG HANDOG SA BAWAT PAMILYANG CALAQUEÑO

“Isang Bayan Isang Puso. Calaca ‘di tayo susuko. Umahon hinding-hindi uurong” ito ang awiting umalingawngaw sa apatnapung barangay ng bayan ng Calaca kasabay ng pamamahagi ng mga kawani ng Pamahalaang Lokal ng Pamaskong Handog mula Disyembre 16 hanggang Disyembre 22,...

TULONG PARA SA PAGBANGON: CALAMITY ASSISTANCE IPINAMAHAGI

TULONG PARA SA PAGBANGON: CALAMITY ASSISTANCE IPINAMAHAGI

Sunod-sunod ang paghagupit ng Bagyong Quinta, Rolly, at Ulysses sa bayan ng Calaca. Dahil dito, maraming napinsalang kabuhayan at mga tahanan. Kaya naman namahagi ng Calamity Assistance ang Pamahalaang Lokal sa 344 na pamilya mula sa 36 na barangay na lubhang...

Social media & sharing icons powered by UltimatelySocial