News

Home 5 2020 News 5 MULING PAGSIKLAB NG SUNOG SA BDI ( Page )
MULING PAGSIKLAB NG SUNOG SA BDI

Matapos ang ilang buwan nang magkaroon ng sunog sa Balayan Distillery Inc. (BDI) sa Brgy. Talisay, Calaca, Batangas, muling sumiklab ang apoy dito bandang 3:40 ng hapon, Oktubre 15, 2020.

Mabilis ang naging pagresponde ng mga kawani ng Calaca Fire Station, Municipal Disaster Risk Reduction Management Office, at ang Municipal Health Office. Agad ding dumating ang mga bumbero mula sa ibang kumpanya sa Calaca at mga karatig na bayan. Kabilang dito ang Taal Fire Station, Balayan Fire Station, San Luis Fire Station, Lemery Fire Station at MDRRMO Lemery, SLTEC, South Pacific Inc., Progreen Agricorp Inc. Balayan, Progreen Agricorp Inc. Nasugbu, South Pacific, Inc., South Luzon Thermal Energy Corp. at Calaca Industrial Seaport Corp.

Samantala, nagtungo sa loob ng planta ng BDI sina Mayor Nas Ona, Dra. Sharon Ona (Municipal Health Officer), at ang Sangguniang Bayan Members upang siyasatin ang pinsalang dulot ng sunog.

Inihayag ni Senior Fire Inspector Jonathan Malundas na kontrolado na ang apoy bandang 4:15 ng hapon. Idineklarang fire-out na ang sunog pagsapit ng 5:30 ng hapon.

Bilang pasasalamat sa mga rumesponde, namahagi ang Pamahalaang Lokal ng pagkain na nagsilbi na ring pasasalamat sa kabayanihang ipinamalas nila upang maapula ang apoy.

Dahil pangalawang insidente na ito ng sunog ngayong taon sa BDI, hinihiling ng Punongbayan sa BFP Calaca na suriing mabuti ang sanhi ng sunog nang maiwasan itong mangyaring muli.

Upcoming Events

Tags:
Share Article

More News

DENG-GET OUT: SEARCH AND DESTROY ISINAGAWA SA ILANG BARANGAY

DENG-GET OUT: SEARCH AND DESTROY ISINAGAWA SA ILANG BARANGAY

Dahil sa naitalang kaso ng Dengue sa ilang barangay sa bayan ng Calaca,  pinangunahan ng Tanggapan ng Pambayang Kalusugan ang pagsasagawa ng Deng-Get Out, isang Search and Destroy Operation kontra Dengue noong buwan ng Nobyembre at Disyembre.  Ang aktibidad...

Social media & sharing icons powered by UltimatelySocial