Muling namahagi ng school supplies sa mga mag-aaral ng pampublikong paaralan sa buong bayan ang pamahalaang Lokal ng Calaca sa pamumuno ni Mayor Nas Ona at Vice Mayor Larry Atienza kasama ang buong pwersa ng Sangguniang Bayan sa  pagbubukas ng klase ngayong buwan ng Hunyo ng taong kasalukuyan.

Tinatayang nasa humigit kumulang 15,000 mag-aaral sa pre-elem, elementary at secondary ang nabiyayaang muli ng libreng mga kwaderno, ballpen, lapis at iba pang mga gamit na pang-eskwela. Pinondohan ang nasabing mga gamit ng kabuuang halagang P15 million mula sa Pambayang Pondo bilang isang prayoridad ng kasalukuyang administrasyon upang unti-unting maitaas ang kalidad ng edukasyon sa bayan ng Calaca. Hangad din ng kasalukuyang administrasyon na matulungan ang mga magulang  na matugunan ang mga gamit ng kanilang mga estudyante nang hindi na kailangang gumastos. Malaki naman ang pasasalamat ng mga magulang at guro sa biyayang muli na naman nilang natanggap mula sa Lokal na Pamahalaan.

Inaasahan na ang mga ganitong kapakinabangan ay magpapatuloy hanggang nanunungkulan ang  mga tapat na lingkod ng bayan ng Calaca. Saksihan ang iba pang mga larawan sa kaganapang ito sa  Activities & Events ng ating Gallery .