Dalawampu’t apat na pares ng magsing-irog ang
matagumpay na pinag-isang dibdib sa ginanap na Kasalang Bayan 2010 sa
Pamahalaang Bayan ng Calaca noong ika-14 ng Pebrero kasabay ng pagdiriwang ng
Araw ng mga Puso. Sa pagsisimula ng sagradong pagdiriwang maringal na nagmartsa
ang mga ikakasal mula sa ikalawang palapag ng gusali pababa ng hagdanan kung
saan ginanap ang seremonya. Ang seremonya ng kasal ay ginampanan ni Mayor
Sofronio “Nas” C. Ona, Jr., na tumayo ding ninong ng mga ikinasal.
Pagkatapos ng pagbabasbas sa mga bagong kasal, binigyang-diin
ng punumbayan ang kahalagahan ng naganap na pag-iisang dibdib. Aniya, hindi sa
ganda o karangyaan ng kasalan nasusukat ang pagsasama ng mag-asawa, manapa’y
nasa pagkakasundo, pagmamahalan at pag-uunawaan ng bawat isa. Tumimo sa
damdamin at isipan ng bawat pares ang kahalagahan nito. Nalubos naman ang pagmamahalan ng isa’t isa ng marinig ang
makapukaw damdaming awitin mula sa kawani at opisyales ng lokal na pamahalaan
na pinangunahan ni Konsehal Deovic M. Ontangco. Nang araw na iyon hindi lamang
busog sa pagmamahalan at pangaral ang mga ikinasal, mandi’y sa pagkaing
inihanda sa hapag ng lokal na pamahalaan sa pagtutulungan nina G. Rene Avendaño
at Gng. Ma. Cristina M. Delos Reyes sampu ng kanyang mga staff sa Tanggapan ng
Pambayang Tagatalang Sibil. Ganap na matagumpay ang okasyon dahil sa suporta ng
mga opisyales at kawani ng lokal na pamahalaan sa pamumuno ni Mayor Nas Ona,
Vice-Mayor Larry Atienza at Magnificent Seven na miyembro ng Sangguniang Bayan.
Sangguniang Bayan Members:
1. Anselmo "Elmie" L. Macalindong
2. Prima "Emma" C. Dajoyag
3. Deovic "Deo" M. Ontangco
4. Luis "Chito" M. Macalalad
5. Niño Glenn "Glenn" M. Matulac
6. Robenson "Beson" M. Sale
7. Brigido "Berling" A. Casanova
8. Roberto "Robert" R. Salazar
"Malugod at taos pusong pasasalamat sa inyong pagtitiwala."
GALLERY 
