Ni: Maridy Manalo

Sa pagpapatuloy ng programang Oryentasyon para sa Natatanging Abilidad ng mga Calaqueño- Reproductive Health Program, matagumpay itong naidaos sa Brgy. Camastilisan at Brgy. Quizumbing noong ika-16 ng Nobyembre hanggang ika- 4 ng Disyembre 2009. Nagkaroon ng pag-aaral na nababagay sa mga nanay, tatay, senior citizens at out of school youth. Dito ay tinalakay ang iba’t ibang paksa na may kinalaman sa pagpaplano ng pamilya, pangangalaga sa mag-ina, pagbabakuna, pagpapasuso, pangangalaga sa ngipin, sanitasyon, Nutrisyon, personalidad, ipinagbabawal na gamut at sigarilyo, Tuberkulosis, Diyabetes, sakit sa bato, pagtatae, pulmonya, pagtaas ng presyon, Aborsiyon, Home Management, Challenges of Parenting, Rights of  Senior Citizen, Livelihood Programs at Self Enhancement Training. Ayon sa tala ng mga kawani ng Municipal Health Office, mayroong 89 na nanay, 46 na tatay, 78 na senior citizen at 70 na out of school youth ang dumalo sa barangay Camastilisan. Samantala, 145 na nanay, 51 na tatay, 55 senior citizen at 84 na out of school youth ang dumalo mula sa barangay Quizumbing. Naging taga-pagtaguyod ng nasabing programa ang Municipal Health Office sa pamumuno ni Dr. Marjolyne Sharon V. Ona sa pakikipagtulungan ng kanyang mga masisipag na staff.

Matapos ang halos kulang na isang (1) buwang pag-aaral ay ginanap ang pormal na pagtatapos sa barangay Camastilisan noong ika-11 ng Disyembre at sa barangay Quizumbing noong ika-16 ng buwan ding iyon. Sa halip na diploma, ilang kilong bigas tinanggap ng mga partisipantes sa araw ng pagtatapos. Ang nasabing pagtatapos ay dinaluhan ng mga opisyales ng lokal na pamahalaan sa pngunguna ni Vice-mayor Larry Atienza kasama ang manificent seven. Naging panauhin sa okasyon sina G. Elmie Macalindong, G. Robert Salazar at G. Niño Glenn Matulac. Maalab na pasasalamat naman ang ipinaabot nina Kapt. Renante Macalindong ng Brgy. Camastilisan at Kapt. Jay Hernandez ng Brgy. Quizumbing sa lahat ng nakiisa at dumalo sa programa.