Noong
ika- 12 hanggang 13 ng Nobyembre, 2009 tinapos ang pagsasanay ng huling grupo
ng mga kawani ng lokal na pamahalaan na may temang Gearing Up from Good to Great.
Ang nasabing grupo ay kinabibilangan ng mga opisyales, department heads at
ilang kawani ng lokal na pamahalaan. Naging positibo naman ang resulta ng
ginanap na pagsasanay na nagdulot ng malaking pagbabago sa mga empleyado tungo
sa mataas na antas ng paglilingkod sa mga mamamayang nangangailangan hindi
lamang sa nasasakupan maging sa mga karatig bayan at iba pang lugar. Matapos
ang pagsasanay masasabing hinahangaan ng mga kawani ng ibang minisipyo at
pribadong ahensiya ang mga empleyado ng munisipyo ng Calaca dahilan sa kakaibang
serbisyo at pagtanggap na ipinakikita ng mga ito sa sinumang lumalapit o
dumarating sa tanggapan ng lokal na pamhalaan sa bayan ng Calaca.
Sa ika-anim na pagkakataon sa loob ng limang taong
administrasyon nina Mayor Nas Ona at Vice-Mayor Larry Atienza, nagkaroon ng Job
Fair sa bayan ng Calaca na ginanap noong ika-22 ng Setyembre sa Municipal
Gymnasium. Nagkaroon ng mahigit na tatlong daan at pitumpung (370) bilang ng
mga aplikante ang nag-apply na kung ikukumpara sa nakaraang idinaos na limang
Job Fair ay malaking bahagdan na ang ibinaba ng bilang ng mga Calaqueñong
walang trabaho. Kabilang sa mga kompanyang dumating ang SM CITY BATANGAS, JEANNIE’S
TOUCH PRODUCTS & SERVICES, GOLDEN BELL CONSTRUCTION & GENERAL SERVICES,
AZ CONTRUCTING SERVICE INCORPORATED, TSPI DEVELOPMENT CORPORATION, YWA HUMAN
RESOURCE CORPORATION, COUNTRYBEST INTERNATIONAL PLACEMENT CORPORATION,
PRETICHAGE MANPOWER & SERVICES INCORPORATED, EAST WEST PLACEMENT CENTER
INCORPORATED.
