Matagumpay na naidaos ang libreng Pap Smear examination
para sa mga kababaihan na pinangunahan ng tanggapan ng Pambayang Kalusugan sa
pakikipagtulungan ni Dr. Buenaventura Magboo (OB-Gyne) at ng Provicial Health
Office sa pakikipag-ugnayan kay Board Member Caloy Bolilia. Ang pagsusuri ay ginanap
noong ika-25 ng Marso sa compound ng nasabing tanggapan.
Ang programang pangkalusugang ito ay taunang isinasagawa
tuwing sasapit ang buwan ng Marso bilang pagdiriwang ng buwan ng mga
Kababaihan. Para sa taong ito, nagkaroon ng kabuuang tala na dalawang daan at
animnapu’t walong (268) kababaihan na sumailalim sa libreng pasusuri.
Para
sa kaalaman ng marami, ang papsmear ay kaparaanan upang malaman kung ang isang
babae ay maysakit sa matris o wala. Ginagawa rin ito upang maiwasan ang pagtaas
ng bilang ng mga babaeng may cervical cancer sa pamamagitan ng maagap na
paglunas kung sakaling malalamang may sakit ang isang babae. Lubos naman ang
pasasalamat ng mga naging tagapakinabang ng nasabing programa dahil sa halagang
kanilang natipid sa pribadong laboratoryo bunga ng pagmamalasakit ng Kgg. na
Punumbayan, Nas Ona at ng kanyang administrasyon sa pangunguna ng Municipal
Health Office.
Noong
ika- 12 hanggang 13 ng Nobyembre, 2009 tinapos ang pagsasanay ng huling grupo
ng mga kawani ng lokal na pamahalaan na may temang Gearing Up from Good to Great.
Ang nasabing grupo ay kinabibilangan ng mga opisyales, department heads at
ilang kawani ng lokal na pamahalaan. Naging positibo naman ang resulta ng
ginanap na pagsasanay na nagdulot ng malaking pagbabago sa mga empleyado tungo
sa mataas na antas ng paglilingkod sa mga mamamayang nangangailangan hindi
lamang sa nasasakupan maging sa mga karatig bayan at iba pang lugar. Matapos
ang pagsasanay masasabing hinahangaan ng mga kawani ng ibang minisipyo at
pribadong ahensiya ang mga empleyado ng munisipyo ng Calaca dahilan sa kakaibang
serbisyo at pagtanggap na ipinakikita ng mga ito sa sinumang lumalapit o
dumarating sa tanggapan ng lokal na pamhalaan sa bayan ng Calaca.
Magmula noon ay nangaral na si Jesus. Ang sabi Niya,
“Pagsisihan ninyo’t talikdan ang inyong mga kasalanan sapagkat nalalapit nang
maghari ang Diyos” Mateo 4:17
Ganun
din naman madalas nating marinig ang katagang ito, “Ang paalala’y gamot sa
taong nakakalimot”. Ang Biblia ay naglalaman ng mga paalala, isa na dito ang
pagsisihan at talikdan ang ating mga kasalanan. Paalala na wari ba’y
ipinagwawalang bahala natin. Bilang mga tao, patuloy pa din tayo sa pag-iisip ng
‘di-maganda sa ating kapwa, pagsasalita ng masama at kung minsan o madalas
paggawa ng hindi tama sa paningin ng tao lalo na sa paningin ng Diyos.
