Matagumpay
na naidaos ang blessing at ikatlong taong anibersaryo ng Makina Water Works
System sa barangay Makina noong ika-24 ng Marso taong kasalukuyan. Pinangunahan
ang pagbabasbas ni Rev. Fr. Mel Magsino ng Parokya ni San Rafael Arkanghel at
dinaluhan ng ina ng Unang Distrito, Kgg. Eileen Ermita-Buhain kasama ang
butihing punumbayan, Mayor Nas Ona, Vice Mayor Larry Atienza, Magnificent Seven
Sangguniang Bayan Members, at mga piling kawani ng lokal na pamahalaang bayan
ng Calaca.
Sinaksihan ang pagbabasbas ng mga mamamayan ng
nasabing barangay sa pangunguna ni Kapt. Juanito Bautista at ng buong
Sangguiang Barangay kasama ang mga LUNAS volunteer workers na kinabakasan ng
kasiyahan sa mga mukhasa pagkakaroon ng
tubig na dumadaloy sa buong barangay. Buong puso ang kanilang pasasalamat kay
Congresswoman Ermita dahil sa pondong inilaan sa kanilang water system ganun na
din sa administrasyon ni Mayor Nas Ona sa suportang ipinagkaloob sa kanila.
Noong
ika- 12 hanggang 13 ng Nobyembre, 2009 tinapos ang pagsasanay ng huling grupo
ng mga kawani ng lokal na pamahalaan na may temang Gearing Up from Good to Great.
Ang nasabing grupo ay kinabibilangan ng mga opisyales, department heads at
ilang kawani ng lokal na pamahalaan. Naging positibo naman ang resulta ng
ginanap na pagsasanay na nagdulot ng malaking pagbabago sa mga empleyado tungo
sa mataas na antas ng paglilingkod sa mga mamamayang nangangailangan hindi
lamang sa nasasakupan maging sa mga karatig bayan at iba pang lugar. Matapos
ang pagsasanay masasabing hinahangaan ng mga kawani ng ibang minisipyo at
pribadong ahensiya ang mga empleyado ng munisipyo ng Calaca dahilan sa kakaibang
serbisyo at pagtanggap na ipinakikita ng mga ito sa sinumang lumalapit o
dumarating sa tanggapan ng lokal na pamhalaan sa bayan ng Calaca.
Magmula noon ay nangaral na si Jesus. Ang sabi Niya,
“Pagsisihan ninyo’t talikdan ang inyong mga kasalanan sapagkat nalalapit nang
maghari ang Diyos” Mateo 4:17
Ganun
din naman madalas nating marinig ang katagang ito, “Ang paalala’y gamot sa
taong nakakalimot”. Ang Biblia ay naglalaman ng mga paalala, isa na dito ang
pagsisihan at talikdan ang ating mga kasalanan. Paalala na wari ba’y
ipinagwawalang bahala natin. Bilang mga tao, patuloy pa din tayo sa pag-iisip ng
‘di-maganda sa ating kapwa, pagsasalita ng masama at kung minsan o madalas
paggawa ng hindi tama sa paningin ng tao lalo na sa paningin ng Diyos.
