Matagumpay
na isinagawa ang PRE-NEED Emergency
Training and Participatory Planning Workshop sa barangay Munting Coral
noong ng Pebrero 7-8, 2009 na dinaluhan ng tatlumpu’t tatlong (33) partisipantes
na kinabibilangan ng mga opisyales ng barangay na pinamumunuan ni Kgg. Nestor
Cabaces, LUNAS Kapayapaan, Kalusugan at Kabatiran Volunteer Workers. Nagkaroon
ng iba’t ibang uri ng pagsasanay para sa pangunang lunas kung sakaling magkaroon
ng sakuna o krimen at mayroong maging biktima. Mapalad din ang mga naging
partisipantes sapagkat dito nagkaroon ng pagkakataon na maipakita kung paano
ang tamang pagresponde ng first aidero rescuer sa mga biktima sa
pamamagitan ng isang senaryo.
Nagulantang ang mga nakasaksi sapagkat
nagmistulang totoong pangyayari ang eksena dahil sa ginamit na artipisyal na
dugo na inilagay sa katawan ng nagkunwaring mga biktima. Samanatala, isinagawa
din ito sa balkon ng bagong gusali ng lokal na pamahalaan ng bayan ng Calaca
noong ika-14 hanggang ika-15 ng Pebrero na dinaluhan naman ng labing siyam (19)
na representante ng barangay San Rafael na pinangunahan ng mga konsehal ng
barangay kasama ang mga LUNAS Volunteer Workers. Sinundan naman itong isinagawa
sa barangay Lumbang na Bata noong ika-28 hanggang 29 ng Pebrero na dinaluhan ng
tatlumpu’t limang (35) partisipantes. Ang barangay Coral ni Bacal ay matagumpay
ding nakapagsanay noong ika-7 hanggang 8 ng Marso kung saan mayroong
tatalumpu’t tatlong nagsanay gayundin ang matagumpay na pagsasanay sa barangay
Matipok noong ika-14 hanggang 15 ng Marso na nagkaroon ng dalawampu’t limang
partisipantes at gayundin ang barangay Dila na dinaluhan ng limampu’t limang
partisipantes. Itinuro din sa kanila ang
mga kasanayang nabanggit sa itaas at matapos ang isinagawang kasanayan ang mga
dumalo ay tinawag nang 143 Red Cross Volunteer. Lalo pang naging makabuluhan
ang pagsasanay dahil sa maiinit na mensaheng inihatid ng mga opisyales ng lokal
na pamahalaan na pinamumunuan ni Mayor Nas Ona, Vice-Mayor Larry Atienza at
miyembro ng Sangguniang Bayan.
Naging sulit naman ang dalawang araw na seminar
ng mga partisipantes mula sa barangay na nabanggit sapagkat walong (8) mahuhusay
na tagapasanay mula sa Philippine National Red Cross, Batangas Chapter na sina
Bb. Iris Recto, G. Jason Vinluan, G. Jones Lizardo, Jesus De Torres, Meynard Ramos
G. Jofren Comia, Bb. Katherine Lacorte, G. Dannel Lopez at Bb. Kristiana Vargas
ang nagpamalas ng galing sa pagtuturo sa pakikipag-ugnayan ni Bb. Mary Jane B.
Rosal sa pamamatnubay ni G. Igmerdio Pastoral, Jr. (Consultant on Disaster
Preparedness) sa nasabing ahensiya ng Red Cross.
Sangguniang Bayan Members:
1. Anselmo "Elmie" L. Macalindong
2. Prima "Emma" C. Dajoyag
3. Deovic "Deo" M. Ontangco
4. Luis "Chito" M. Macalalad
5. Niño Glenn "Glenn" M. Matulac
6. Robenson "Beson" M. Sale
7. Brigido "Berling" A. Casanova
8. Roberto "Robert" R. Salazar
"Malugod at taos pusong pasasalamat sa inyong pagtitiwala."
