Ni: Sherwin Comia

Matagumpay na naipagpatuloy ang Oryentasyon para sa Natatanging Abilidad ng mga Calaqueño sa apat na magkakalayong barangay sa bayan ng Calaca kung saan patuloy na tinatalakay at pinag-aaralan ang mga pamamaraan na makatutulong sa iba’t-ibang aspeto ng buhay ng mga mamamayan. Kabilang sa mga paksa ay ang family planning, agrikultura, good grooming, mga talakayin tungkol sa dental at medical, gayun din ang mga pamamaraan ng pag-iwas sa mga bisyo . Isa ito sa mga programa ng administrasyong ONA-ATIENZA na patuloy na dumadaloy sa mga barangay sa pamamagitan ng Rural Health Unit na pinamumunuan ni Dr. Marjolyne Sharon V. Ona. Isa sa apat na barangay ay ang barangay Taklang Anak na pinagdausan noong buwan ng Enero at tinatayang umabot sa isandaang pursyento ng mamamayan ng barangay ang dumalo. Sumunod naman ang barangay Tamayo sa kasabay na narating ng nasabing programa ng nasabing  buwan gayundin ang barangay Loma at barangay Baclas noong Pebrero  hanggang sa kalaghatian ng buwan ng Marso.

Kabilang sa mga dumalo ang mga Out of School Youth, mga ina ng tahanan (Mother’s Class), mga ama ng tahanan (Father’s Class) at mga Senior Citizens. Matapos ang halos isang buwang pag-aaral, isinagawa ang graduation rites sa kani-kanilang barangay  kung saan magkahalong luha at ngiti ang naramdaman ng mga dumalo sapagkat marami sa kanila ang hindi nakaranas tumuntong ng entablado para magtapos ng kanilang pag-aaral dala ng kahirapan ng buhay noong kanilang kapanahunan lalo na ang mga Senior Citizen.

Dahil sa patuloy na pagdaloy ng mga programang ito ng kasalukuyan administrasyon, laking tuwa at pasasalamat ng mga opisyales ng barangay sa pamumuno ng mga kapitan sapagkat napatunayan nila na ang mga taong kanilang pinagkatiwalaan at iniluklok sa tungkulin ay may matinding pagmamalasakit sa kanilang mga nasasakupan.