Ni: Tacing Lasheras

(LUNAS Kabatiran, Barangay Cahil)

I

O Pag-ibig ikaw ba’y saan nanggaling, saan nagmula?

Bakit ‘di ka natatapos? Bakit hindi ka nawawala?

Kapangyarihan mong taglay ay malakas at mabisa

Pundasyon man nitong mundo’y Pag-ibig ang tanikala.

II

Sa paano’y ang pag-ibig ang “Diyos” ang siyang pinagmulan

Nilikha Niya tayong lahat na pag-ibig ang dahilan

Nang tayo ay mapahamak  ng dahil sa kasalanan,

Tinubos tayo ng Diyos, Pag-ibig din ang dahilan.

III

Sinasabing ang Pag-ibig ang siyang susi nga ng lahat

Walang hindi magagawa kung Pag-ibig sadyang wagas

Kapangyarihan niyang taglay ay mabisa ding kalasag

Laban sa ating kaaway na ang nais ay magwasak.

IV

Mayroong isang kasaysayang sa Bibliya’y natunghayan

Patungkol sa isang bayang nilulusob ng kaaway

Ang dahila’y nais nilang yaong bayan ay maagaw

Ang hangad ay mapaunlad ang sariling kapakanan.

V

Ngunit itong hari nilang sa bayan ay nagmamahal

Ay hindi nagdalawang isip siya’y lumuhod sa Maykapal

Panalanging may Pag-ibig ang sandata’t pananggalang

Ang ginamit niyang panlaban sa paglupig sa kaaway.

VI

Pagkat itong ating Diyos ay kakampi ng matuwid

Panalanging may Pag-ibig, agad-agad dinidinig

Nagtagumpay ang Israel, kaaway niya ay nalupig

Ang bayan ay pinalaya, pinaunlad ng Pag-ibig.

VII

Ang Pag-ibig nga kung gayon ay tunay na kailangan

Upang bayan ay umunlad lumaya sa kahirapan

Pangako ng sinungaling ay di dapat panghawakan

Imulat ang mga mata’t damhin ang katotohanan.

VIII

“Pag-ibig” iyan ay susing nagpalaya

Pag-ibig din ang naging susi ng pag-unlad ng “Calaca”

Sa paano’y Punumbayan na pinili ng Lumikha