Matapos ang dalawang taong paghihintay, sa wakas, pasisinayaan na ang pinakabago, pinakamalaki at pinakamodelong bahay pamahalaan sa Lalawigan ng Batangas. Sa darating na ika-26 ng Enero ng taong kasalukuyan, pormal na bubuksan ang bagong munisipyo ng Bayan ng Calaca na inaasahang dadaluhan ng mga kilalang personalidad.

Naitayo ang bagong gusali sa inisyatibo at pagpupunyagi ng kasalukuyang Punumbayan ng Calaca, Kgg.Mayor Sofronio C. Ona, Jr. at sa suporta ng Sangguniang Bayan na pinamumunuan ni Kgg.naVice-Mayor Lordilando M. Atienza.

Para sa kabatiran ng lahat, nagsimula ang konstruksyon noong taong 2006, na binubuo ng tatlong palapag at roof deck. May kabuuang sukat ang gusali na 3,210 metro kwadrado at mayroong mahigit tatlumpung silid at malalawak na Conference Rooms sa bawat palapag. Ang nasabing istruktura ay naitayo sa halagang Php95, 000,000.00 pondo ng lokal na pamahalaang bayan.