Ni: Lorena C. casanova

Ni: Lorena C. Casanova

Noong Abril 28, 2009 muling namahagi ang tanggapan ng Pambayang Agrikultor sa pamumuno ni Gng. Alicia Cabrera ng Vegetable Production Farming Inputs sa bagong gusali ng pamahalaang bayan  para sa mga magbubukid na Calaqueño. Ito’y  bahagi ng Nananaganang Ani ng Sambayanang Calaqueño (Vegetable Production Project) sa bawat magsasaka na sinimulang ipatupad mula  taong 2007. Namahagi rin ng mga sumusunod na kagamitan sa pagtatanim: 20 pirasong seedling trays, 1 rolyong plastic mulch, 2 sakong organic fertilizer, 25 kilong complete fertilizer, 1 sakong peatmos gayundin ng 3 lata at 2 pouch ng butong pananim.

(All LUNAS Kabatiran Volunteer Workers)

Bahagi ng proyekto ng Department of Health, nakiisa ang bayan ng Calaca sa pamamagitan ng Rural Health Unit sa pagkakaloob ng libreng bitamina A at pampurga o deworming sa mga batang may edad na siyam (9) na taon pababa na tinatawag na “garantisadong pambata”. Ito ay isinagawa sa barangay health centers sa apatnapung (40) barangay na nasasakupan ng bayan ng Calaca noong buong buwan ng Abril taong kasalukuyan kung saan dinalaw ng mga Midwives ng Rural Health Unit ang bawat barangay upang sila ang magsagawa ng libreng deworming at pagpapainom ng bitamina.

Ni: Sherwin Comia

Matagumpay na naidaos ang libreng Pap Smear examination para sa mga kababaihan na pinangunahan ng tanggapan ng Pambayang Kalusugan sa pakikipagtulungan ni Dr. Buenaventura Magboo (OB-Gyne) at ng Provicial Health Office sa pakikipag-ugnayan kay Board Member Caloy Bolilia. Ang pagsusuri ay ginanap noong ika-25 ng Marso sa compound ng nasabing tanggapan.