Ni: Liza Lorena C. Casanova

Enero 26, 2010, masiglang ipinagdiwang ng buong pamilya ng pamahalaang lokal ang ika-1 taong anibersaryo ng pagkakatatag ng bagong bahay-pamahalaan. Pinasimulan ang okasyon sa pamamagitan ng paghahain ng banal na misa ng pasasalamat, ganap na ika-8:00 ng umaga sa bulwagan ng gusali na pinangunahan ni Rev. Fr.  Simplicio Datingginoo. Sinundan ito ng pagsindi sa mga paputok at pagpapakawala ng mga ballons bilang hudyat ng pagdiriwang. Kagunay nito, ginanap ang simpleng palatuntunan sa harap ng gusali na sinaksihan ng mamamayang Calaqueño partikular ang mga opisyales at kawani ng lokal na pamahalaan gayundin ng mga opisyales ng barangay at mga LUNAS Volunteer Workers.

Ni Liza Lorena C. Casanova

Malaking pagtitipon ng mga kabataang Calaqueño ang ginanap noong ika-26 hanggang ika-27 ng Disyembre, 2009 sa pamahalaang bayan ng Calaca bilang bahagi ng pakikiisa sa pagdiriwang ng Linggo ng Kabataan. Humigit-kumulang sa apat na daang (400) kabataan ang dumalo mula sa apatnapung barangay sa bayan ng Calaca sa SK Youth Camp 2009 alinsunod sa ipinag-uutos ng Local Government Code RA 7160, Chapter 10, Section 439. Layunin nito na hikayatin ang mga kabataan na maging huwaran at mabuting lider. Bahagi nito, ang mga dumalo ay nagkaroon ng seminar workshop na may temang “Encounter of the Next Generation Leaders” kung saan iba’t ibang aktibidad ang itinuro sa kanila katulad ng pagkakakitaan o hanap-buhay, pangangalaga sa kapaligiran, pagpapahalaga sa kultura at sining, kampanya laban sa ipinagbabawal na gamot, pagkakaroon ng libangan at laro na makatutulong sa pangangalaga ng kalusugan. Maayos namang naunawaan ng mga dumalo ang nasabing mga paksa sa pamamagitan ng mahuhusay na tagapagsanay na sina Konsehal Deovic Ontangco, Konsehal Robenson Sale, Gng. Cristy Balitustos at G. Nickson Cuyom. Matagumpay na naisakatuparan ang programa sa pangunguna ni Kgg. Emilyn Alcazar, Pangulo ng Pederasyon ng Sangguniang Kabataan sa pamamagitan ng mainit na suporta ni Mayor Nas Ona, Vice Mayor Larry Atienza mga miyembro ng Sangguniang Bayan (Magnificent Seven) at ng ilang tanggapan ng lokal na pamahalaan. 

Gaano man kahirap ang buhay at gaano man karaming pagsubok ang dumating sa buhay natin, pagsapit ng pasko puno pa rin ng sigla ang puso ng mga Pinoy.

Ni: Ma. Cynthia P. Salazar

Isang matagumpay na programa ang isinakatuparan para sa mga piling bata ng barangay San Rafael na nakararanas ng problema ng malnutrisyon. Noong ika Setyembre 22 – 23, isinagawa ang masusing pag – aaral ng mga nanay ng mga batang nabanggit na ginanap sa Science Centrum. Sa mother’s class na ito na ginampanan ng Municipal Health Office at Municipal Social Welfare and Development Office, nabigyan sila ng malawak na kaalaman patungkol sa usaping pangkalusugan, pampamilya at pampamayanan.

Ni Lorna L. Aquino

Malugod na tinanggap ng mga Day Care worker, BHW, BNS at Barangay Tanod  ang kanilang honorarium at pamasko noong Disyembre 14, taong kasalukuyan sa Calaca Municipal Hall ground lobby. Tumanggap din ng grocery items ang mga opisyales ng barangay ng araw na iyon. Personal na dumating si Vice-Governor Mark Leviste upang pangunahan ang pamamahagi nito sa tinatayang may pitong daang katao na dumalo.